logra é un gabinete de psicoloxía pero tamén é unha forma verbal, resultado da conxugación do verbo lograr. O noso nome di moito de nós, un nome en positivo, que fala de sacrificio pero tamén fala de recompensa.
Este gabinete púxose en marcha cunha finalidade: axudar ás persoas en situación problemática a emprender o camiño de saída de dita situación. Á fronte do equipo de psicólogos que integra a plantilla de logra está Chus López Agra. Licenciada en Psicoloxía pola Universidade de Santiago de Compostela, conta con máis de dez anos na profesión, e desexaba crear un centro terapéutico capaz de ofrecer unha asistencia flexible e individualizada. Un centro de atención psicolóxica que ofrece atención individual, familiar e de parella. Un centro onde se considera ao individuo como parte dun sistema máis complexo, o que na xerga especializada denominan 'terapia sistémica ou familiar'.
O obxectivo de logra é darlle alento ás persoas que solicitan a súa axuda para que consigan os seus propios obxectivos.